兩位旅遊達人，洪永城(Tony) ﹑黃翠如自從行紅地毯時手拖手成為熱話後，至今未有合作，就連大台開旅遊節目都玩拆夥，怕觀眾睇到厭喎！Tony上年單飛後去過北韓拍攝《在那遙遠的地方》系列，今次再去中美洲古巴。不過原來數數手指，佢舊拍檔翠如2011 年就已經去過啦！翠如當時拍攝《地平線上這個世界那些人》用60 日環遊世界，其中一站就係古巴。
今次我將5年前後的古巴由住宿﹑交通﹑物價﹑匯率等多方面做比較。希望透過兩位帶觀眾認識古巴未變天與變天在即之別。不過在整理圖片時，最令我驚訝的不是當地變化，而是2 位夾到都係著藍色和軍綠色衫拍攝呀！(有睇開兩位節目都可能記得翠如有講過佢地係著衫方面，有時真係好有默契！)
古董車展：
提到對古巴的印象，總離不開一個「舊」字。的確，無論Tony抑或翠如在節目開初就帶大家見識這個城市，隨處可見六十年代古董車的街景。
住宿：
五年前翠如入住當時盛行的民間營辦通稱為「Casa」的民宿($35美金/晚) 。屋內保留了古老的地磚紋飾﹑窗簾和家具，令翠如覺得件件都好值錢！不過經常遇上無熱水和電力不足的問題。
五年後Tony的入住遙對美國佛羅里達州的古巴國家酒店，在當地首屈一指。當然佢都有入住民宿($30美金/晚) ,不過依舊面對沖沖下涼無熱水，甚至漏水問題。
物價：
五年前， 翠如聽人講當地興以物易物，專登到鴨寮街買了一打電子表，但佢似乎「入錯貨」，令她頻頻食檸檬。最後用一隻錶換到一包平價煙及一副老花眼鏡，轉個街口間鋪先見到包煙只值4蚊港幣。
五年後，Tony去到非一般的市集買餸，見識補貼實施的廉價糧食福利制度。原來每人每月僅用7仙港元已經可換購1磅米。(咁翠如當年換個包煙咪即係等於宜家的5.7磅米？)
匯率：
五年前，翠如可以用$1美金換到$1CUC，而1CUC等於24CUP
五年後，Tony同樣地可以1用$1美金換到$1CUC，而1CUC等於24CUP
即係遊客和當地人同一件貨收兩個價錢
仲有, 你未睇的.......
